ft: BANGKERO

Tulad ng mga taong nangahas

tulad ng mga ibong gusto ding lumabas,

ako ri'y isang lapidang walang pangalan;

walang nagmamay-ari, walang paggagamitan.

Sa pagtakbo ng araw at mabagal na buwan

Isang tanging pag-ibig na di inaasahan,

lulan ng dalawang bangkero sa dagat

nagsimulang lumayag, tinikman ang alat.

Ngunit ang dalawang bangkero'y iba

ang kapalarang dapat sa kanila

dahil pinilit magtagpo ang landas

sinuong ang pagsubok ng panahon at oras

Ngayong nakilala mo na ang iyong sarili

ako'y natutuwa sa buhay mo'y isinali

sa alon at unos at batong babangga

huwag ka sanang bumitaw saa ating bangka.

-V-